Samfélagsleg ábyrgð
Í starfsemi Orkuveitu Reykjavíkur skal áhersla lögð á virðingu gagnvart umhverfinu, ábyrga nýtingu auðlinda og ábyrga nýtingu fjármuna. Orkuveita Reykjavíkur kemur fram af heilindum og trausti og rækir samfélagslega ábyrgð í starfsemi sinni.
Þetta leiðarljós eigendastefnu OR er grundvöllur sjálfbærs reksturs og samfélagsábyrgðar hjá samstæðunni. Heiðarleiki er eitt gilda Orkuveitu Reykjavíkur og því er greiðargóð og gegnsæ upplýsingagjöf nauðsynlegur þáttur í samfélagsábyrgð fyrirtækisins.
Í Ársskýrslu OR er stuðst við hin alþjóðlega viðurkenndu UFS-viðmið (umhverfi, samfélagsþættir, stjórnhættir) um skýrslugjöf fyrirtækja hvað varðar sjálfbærni og samfélagsábyrgð.
Forgangsröðun innri og ytri hagsmunaaðila OR á Heimsmarkmiðunum
Heimsmarkmið Sameinuðu þjóðanna
OR lítur svo á að samfélagsleg ábyrgð snúi að samfélagi þjóðanna. Stjórn fyrirtækisins hefur ákveðið að fimm af Heimsmarkmiðum Sameinuðu þjóðanna, sem eru 17 talsins, séu í forgangi hjá fyrirtækinu. Þessi forgangsmarkmið voru valin eftir vinnustofur með ytri og innri hagsmunaaðilum OR. Gerð er grein fyrir því í ársskýrslum hvernig fyrirtækið styður við Heimsmarkmiðin.