Helstu stjórnendur

Helstu stjórnendur

Forstjóri OR og framkvæmdastjórar leiða samstæðuna.

Forstjóri

Bjarni Bjarnason

Bjarni Bjarnason forstjóri lauk B.Sc. prófi í jarðfræði frá Háskóla Íslands árið 1981. Þá tók hann licentiat-próf í námaverkfræði frá Tækniháskólanum í Luleå í Svíþjóð 1986. Bjarni tók við forstjórastarfinu 1. mars 2011. Hann hafði þá starfað sem forstjóri Landsvirkjunar Power, dótturfélags Landsvirkjunar, frá 2008 en áður var hann framkvæmdastjóri orkusviðs Landsvirkjunar um sjö ára skeið. Bjarni hefur sinnt ýmsum stjórnunarstörfum á ferli sínum, m.a. sem tæknistjóri Jarðborana hf., framkvæmdastjóri Kísiliðjunnar í Mývatnssveit og forstjóri Íslenska járnblendifélagsins á Grundartanga

Framkvæmdastjórar móðurfélags

Ingvar Stefánsson

Ingvar Stefánsson er framkvæmdastjóri Fjármála. Hann hefur viðskiptafræðipróf á endurskoðunarsviði auk meistaragráðu í fjármálum og stjórnun og hefur víðtæka stjórnunarreynslu úr atvinnulífinu. Hann var starfsmannastjóri hjá Esso í átta ár, forstöðumaður fyrirtækjasviðs Olíufélagsins í fjögur ár, framkvæmdastjóri dótturfyrirtækis Lyfja og heilsu í tvö ár, kennari við Háskólann á Bifröst í fjármálum, samningatækni, stjórnun og stefnumótun samhliða annarri vinnu og loks framkvæmdastjóri og forstöðumaður Íslandsbanka Fjármögnunar, um 40 manna einingar innan bankans, til ársins 2011 þegar Ingvar hóf störf hjá OR.

Skúli Skúlason

Skúli Skúlason er framkvæmdastjóri Þjónustu. Hann hefur viðskiptafræðipróf, meistaragráðu í stjórnun og stefnumótun og hefur víðtæka stjórnunarreynslu úr atvinnulífinu. Hann var deildarstjóri tómstundamála hjá Íþrótta- og tómstundaráði Reykjavíkur í 7 ár og síðar fjármálastjóri þess í 10 ár. Hann var ráðgjafi hjá Capacent ráðgjöf með áherslu á gerð viðskiptaáætlana, almenna rekstrarráðgjöf og áætlanagerð. Hann var stundakennari í rekstrargreiningu við Háskólann í Reykjavík  auk þess sem hann kenndi ýmis námskeið við Opna háskólann og víðar á sviði áætlanagerðar, innkaupastjórnunar og hönnun ferla í rekstri.

Hildigunnur Thorsteinsson

Hildigunnur Thorsteinsson er framkvæmdastjóri Þróunar. Hún lauk prófi í iðnaðarverkfræði frá Háskóla Íslands árið 2005 og meistaraprófi frá MIT árið 2008 á sviði jarðvarma. Hún hefur unnið að jarðhitamálum allt frá 2005 og árið 2009 hóf hún störf hjá Department of Energy í Washington. Hildigunnur var teymisstjóri og hafði umsjón með tugum rannsóknarverkefna sem ýtt var úr vör með átaki Bandaríkjastjórnar á sviði grænnar orku. Hún gekk til liðs við OR árið 2013.

Framkvæmdastjórar dótturfélaga

Inga Dóra Hrólfsdóttir

Inga Dóra Hrólfsdóttir er framkvæmdastjóri Veitna ohf. Hún er byggingarverkfræðingur frá Háskóla Íslands 1993 og með Meistarapróf frá Chalmers Tekniska Högskola í Svíþjóð auk rekstrar og viðskiptanáms frá Endurmenntun HÍ. Hún hóf störf hjá Hitaveitu Reykjavíkur árið 1996 og hefur starfað hjá OR frá stofnun hennar. Á ferli sínum innan OR hefur hún m.a. verið deildarstjóri landupplýsingakerfa, sviðsstjóri tæknimála og sviðsstjóri framkvæmda.


 

Erling Freyr Guðmundsson

Erling Freyr Guðmundsson er framkvæmdastjóri Gagnaveitu Reykjavíkur ehf. Hann lagði fyrst stund á rafvirkjun og lauk MBA-prófi frá Háskólanum í Reykjavík 2009. Erling stofnaði Ljósvirkjann, þjónustufyrirtæki við fjarskiptafyrirtæki, árið 1996 og upp úr aldamótum stofnaði hann ásamt öðrum Industria, fyrirtæki sem sérhæfði sig í þjónustu við uppbyggingu ljósleiðarakerfa. Hann rak það fyrirtæki hér á landi frá 2003 og síðan á Bretlandseyjum frá ársbyrjun 2008. Árið 2013 tók Erling við framkvæmdastjórn fjarskipta- og tæknisviðs 365 miðla og starfaði frá miðju ári 2014 sem fjármálastjóri við endurskipulagningu á Hringrás og tengdum félögum. Hann hóf störf hjá OR í ársbyrjun 2015.

Bjarni Már Júlíusson er framkvæmdastjóri Orku náttúrunnar ohf. Hann er vélfræðingur frá Vélskóla Íslands 1983. Hann lauk B.Sc. prófi í rafmagnstæknifræði frá Tækniháskólanum í Óðinsvéum 1990 og lauk meistaraprófi í verkefnastjórnun frá Verkfræðideild Háskóla Íslands (MPM) 2008. Áður en hann gekk til liðs við OR, árið 2012, hafði Bjarni Már starfað hjá Landsvirkjun og Landsvirkjun Power í 22 ár. Hjá því síðarnefnda starfaði hann sem verkefnastjóri við erlend virkjanaverkefni, aðallega í Kanada og á Grænlandi. Bjarni Már var forstöðumaður tækniþróunar hjá ON áður en hann tók við starfi framkvæmdastjóra í nóvember 2016.

Stoðeiningar

Undir forstjóra heyra sjö stjórnendur sérfræðisviða, sem starfa með öllum einingum samstæðunnar.

Kristjana Kjartansdóttir, gæðastjóri, lauk MS í stjórnun og stefnumótun frá Háskóla Íslands 2010, uppeldis- og kennslufræði frá sama skóla 1995 og tók B.Sc. próf í rekstrartæknifræði frá Tækniháskólanum í Óðinsvéum 1987. Kristjana hefur gegnt stjórnunarstörfum á ferli sínum hérlendis og erlendis m.a. sem framleiðslustjóri hjá Teledyne Gavia ehf., deildarstjóri hjá Miros AS í Noregi og deildarstjóri hjá FSu. Auk þess hefur hún starfað við kennslu og sem ráðgjafi hjá 7.is.

Hólmfríður Sigurðardóttir, umhverfisstjóri, er líffræðingur frá Háskóla Íslands 1983 með Meistarapróf í jarðvegslíffræði frá Árósaháskóla í Danmörku auk MBA gráðu frá Háskólanum í Reykjavík. Hólmfríður á langan feril að baki á sviði umhverfismála en hún starfaði m.a. á Skipulagsstofnun um 12 ára skeið, lengst af sem sviðsstjóri umhverfissviðs. Hún hóf störf hjá OR árið 2007.

Reynir Guðjónsson er öryggisstjóri OR. Hann hefur langa reynslu af starfi á því sviði. Hann vann hjá Slökkviliði höfuðborgarsvæðisins um árabil og var öryggisfulltrúi hjá RioTinto-Alcan og gæðastjóri þar. Hann vann einnig sem forvarnarfulltrúi hjá VÍS um tveggja ára skeið.

Eiríkur Hjálmarsson, upplýsingafulltrúi OR, lauk blaðamannaprófi frá Ohio University 1989 og starfaði við ýmsa fjölmiðla í um 15 ár. Hann var aðstoðarmaður borgarstjórans í Reykjavík 2003 til 2006 þegar hann var ráðinn til OR. Eiríkur lauk meistaraprófi í verkefnastjórnun frá Verkfræðideild Háskóla Íslands (MPM) vorið 2008.

Elín Smáradóttir, lögfræðingur OR, útskrifaðist úr lagadeild Háskóla Íslands árið 1994 og hlaut héraðsdómslögmannsréttindi árið 1996. Hún starfaði hjá Skipulagsstofnun á árunum 1994-2003 og síðan hjá Orkustofnun til ársins 2008 þegar hún gekk til liðs við OR.

Anna Margrét Björnsdóttir, skjalastjóri, er bókasafns- og upplýsingafræðingur frá Danmarks Biblioteksskole 1988 og með meistarapróf í verkefnastjórnun frá Verkfræðideild Háskóla Íslands (MPM) árið 2007. Hún hóf störf hjá OR vorið 2012 en starfaði áður sem deildarstjóri upplýsingadeildar Hagstofu Íslands og síðar sem verkefnastjóri manntals 2011.

Sólrún Kristjánsdóttir, starfsmannastjóri, lauk BA prófi í uppeldis- og menntunarfræði frá Háskóla Íslands 1998 og meistaraprófi í stjórnun og stefnumótun frá sama skóla árið 2004. Hún hóf störf hjá Starfsmannamálum OR árið 2004, hafði umsjón með starfsþróunarmálum frá árinu 2006 og starfsmannastjóri frá árinu 2012. Áður starfaði Sólrún við kennslu og sem ráðgjafi á Stuðlum, meðferðarheimili ríkisins fyrir unglinga.

Guðrún Erla Jónsdóttir, stefnustjóri, lauk B.Sc.prófi í ferðamála- og viðskiptafræði frá Háskóla Íslands 2004 með viðkomu í San Diego State University. Hún stundaði framhaldsnám í Syddansk Universitet í Odense og lauk M.Sc.prófi í markaðsfræði og alþjóðaviðskiptum frá Háskóla Íslands 2006. Guðrún Erla starfaði sem skrifstofustjóri hjá Orkuveitu Húsavíkur til 2008 og síðan sem framkvæmdastjóri fyrirtækisins þar til hún gekk til liðs við OR árið 2015.