OR leitar að stórhuga forstýru eða forstjóra
11. nóv 2022
Orkuveitan
Orkuveita Reykjavíkur er 100 ára gamalt frumkvöðlafyrirtæki sem leggur grunn að lífsgæðum á Íslandi. Leitað er eftir þaulreyndri, úrræðagóðri og framsýnni manneskju til að leiða kraftmikinn hóp fagfólks svo fyrirtæki samstæðunnar dafni sem best.
Sjálfbærni og samfélagsábyrgð vega þungt í allri starfsemi samstæðunnar.
Orkuveita Reykjavíkur samanstendur af fimm fyrirtækjum; Orkuveitu Reykjavíkur, Veitum, Orku náttúrunnar, Ljósleiðaranum og Carbfix. Forstýra eða forstjóri ber ábyrgð á Orkuveitusamstæðunni í heild sinni.
Heildareignir OR nema 420 milljörðum króna, velta er um 60 milljarðar og eigið fé er 220 milljarðar. Viðskiptavinir samstæðunnar eru um tveir þriðju landsmanna.
Forstýra - Forstjóri:
- Innleiðir stefnu samstæðunnar
- Skipuleggur starfsemi OR og tryggir að hún sé í samræmi við tilgang
- Ber ábyrgð á jafnvægi milli samfélagslegra-, fjárhagslegra- og umhverfislegra sjónarmiða í rekstri
- Veitir starfsfólki umboð til athafna og virkjar þannig frumkvæði þess
- Tryggir þekkingu sem styður við nauðsynlega nýsköpun í rekstri og þjónustu
- Kemur fram fyrir hönd fyrirtækisins og viðheldur góðum samskiptum við hagaðila
- Tryggir stöðugar framfarir í umhverfis, öryggis- og heilsumálum
- Stuðlar að jafnrétti og fjölbreytileika mannauðs
Hæfni:
- Farsæl reynsla í flóknu rekstrarumhverfi
- Reynsla úr yfirstjórn í stóru fyrirtæki
- Reynsla af stefnumótun og innleiðingu á stefnu
- Leiðtoga- og stjórnunarhæfileikar auk færni í að móta og innleiða framtíðarsýn
- Reynsla af nýsköpun og þróun
- Þekking á sviði fjármála og fjármögnunar fyrirtækja, reynsla af flókinni samningagerð og stýringu áhættu
- Háskólamenntun á framhaldsstigi
Umsóknarfrestur er til og með 27. nóvember 2022. Farið verður með allar umsóknir og fyrirspurnir sem trúnaðarmál.
Nánari upplýsingar um starfið veita:
Hilmar G. Hjaltason; hilmar@vinnvinn.is og Auður Bjarnadóttir; audur@vinnvinn.is
Ellen Ýr Aðalsteinsdóttir, framkvæmdastýra mannauðs og menningar OR; ellenyr@or.is
Hægt er að sækja um hér.
