Gylfi Magnússon nýr formaður stjórnar OR
22. des 2022
Orkuveitan
Á framhaldsaðalfundi Orkuveitu Reykjavíkur, sem haldinn var í dag, var kjöri stjórnar fyrirtækisins lýst. Sveitarstjórnir sveitarfélaganna sem eiga fyrirtækið kjósa stjórnarfólkið, það er borgarstjórn Reykjavíkur, bæjarstjórn Akraness og sveitarstjórn Borgarbyggðar.
Formaður var kjörinn Gylfi Magnússon prófessor og tekur hann við af Brynhildi Davíðsdóttur, sem baðst undan endurkjöri. Þau hafa bæði setið sem aðalmenn í stjórn frá aðalfundi sumarið 2011.
Þessi skipa stjórnina:
Gylfi Magnússon, prófessor og formaður stjórnar
Vala Valtýsdóttir, lögmaður og varaformaður stjórnar
Kjartan Magnússon, borgarfulltrúi
Skúli Helgason, borgarfulltrúi
Valgarður L. Jónsson, formaður bæjarstjórnar Akraness
Þórður Gunnarsson, auðlindahagfræðingur
Guðveig Lind Eyglóardóttir, forseti sveitarstjórnar Borgarbyggðar er áheyrnarfulltrúi.
Á fundinum kom fram að kjör fulltrúa Reykjavíkurborgar væri tímabundið vegna fæðingarorlofs en ljóst væri að bæta þyrfti úr vegna ákvæða jafnréttislaga.
