Heiðmörk

Heiðmörk er hluti vatnsverndarsvæðis höfuðborgarsvæðisins.  Þar eru Gvendarbrunnar og önnur vatnstökusvæði OR.  Í Heiðmörk er fjölbreytni hvað varðar landslag og gróður, enda hefur Skógræktarfélag Reykjavíkur unnið þar gott verk í samstarfi við Orkuveituna.  Víða má finna skjólgóðar lautir og vöxtulega lundi sem gestir og gangandi geta notið.

Fjölbreytt fuglalíf er á svæðinu, einkum á það við svæðið kringum Elliðavatn og Myllulækjartjörn.  Í Heiðmörk er gott berjaland og uppskera sveppa hefur margfaldast með tilkomu skógarins.  Um Heiðmörk hafa verið lagðir göngustígar sem eru einnig skíðagöngubrautir á veturna.