Umhverfismál

Daglegur rekstur og verk Orkuveitu Reykjavvíkur eru unnin í takt við vottað umhverfisstjórnunarkerfi.  Umhverfisskýrsla kemur út árlega og þar er m.a. gerð grein fyrir losun gróðurhúsalofttegunda í rekstri fyrirtækisins, sem og öðrum þáttum sem orkuvinnsla hefur í för með sér. Árið 2004 hlaut OR Kuðunginn, umhverfisverðlaun Umhverfisráðuneytisins. 

Umhverfisstefna fyrirtækisins er virk og rædd á sérstökum námskeiðum sem allir starfsmenn sækja. Öll orkuöflun fyrirtækisins er framlag til minni gróðurhúsaáhrifa, við höldum skilvirkt grænt bókhald og leggjum okkar að mörkum til bættrar umgengni við náttúruna.

Mesta umhverfisbótaverkefni sem ráðist hefur verið í hér á landi og tók 25 ár var uppbygging fráveitumannvirkja í Reykjavík og hreinsun strandlengjunnar. Mjög fullkomið kerfi hreinsistöðva er tengt um 800 km. lagnakerfi og hreinsuðum vökva er dælt í sjó fram. Þá hefur Orkuveitan tekið yfir rekstur fráveitu á Álftanesi, Akranesi og í Borgarbyggð og hefur hafið vinnu við verulegar endurbætur á fráveitukerfunum.

Loftgæðamælingar