Viltu koma í heimsókn?
Við tökum á móti hópum af öllum stærðum og gerðum. Fyrir yngsta skólastigið (1-3 bekkur) eru Gvendarbrunnar hentugur kostur; þar fá krakkarnir leiðsögn um vatnið í framandi umhverfi. Í Nesjavallavirkjun höfum við tekið á móti eldri krökkum, frá 4.-5. bekk upp í framhaldsskólann. Heimsókn í Rafheima er kjörin fyrir nemendur í eðlisfræði og rafmagnstengdum greinum. Heimsókn í Hellisheiðarvirkjun er æskileg fyrir nemendur framhaldsskólans og uppúr, en þar er leiðsögn um heitavatns- og rafmagnsframleiðslu með notkun jarðvarma. Þá er möguleiki á gönguferð um svæðið ef gerð hópsins og veðurfar leyfir. Í Hellisheiðarvirkjun eru einnig góðar og efnismiklar upplýsingar um svæðið; gönguleiðir, dýralíf, sögu o.s.frv. Á veturna tökum við á móti háskólafólki í vísindaferðum, en við hvetjum áhugasama að sækja um með góðum fyrirvara.
Opnunartími:
Gestamóttaka í Hellisheiðarvirkjun er opin alla daga ársins frá 09:00-18:00.
Gestamóttaka í Nesjavallavirkjun er opin 1. júni - 1. september, frá 09:00-17:00 mánudag til föstudags og 13:00-18:00 á sunnudögum.
Til þess að heimsækja aðra móttökustaði OR þarf að senda heimsóknarbeiðni með góðum fyrirvara (sjá hér að neðan).