Umhverfi og fræðsla

Orkuveita Reykjavíkur sinnir fjölbreyttri starfsemi sem hefur jákvæð áhrif á daglegt líf meginþorra þjóðarinnar. Orkuveitan veitir hreinu neysluvatni og heitu vatni til húshitunar og miðlar frárennsli og regnvatni til sjávar ásamt því að framleiða rafmagn til heimila og iðnaðar úr háhitasvæðum í nágrenni höfuðborgarinnar. Fjölbreyttri starfsemi fylgja umhverfisáhrif sem kalla á fyrirbyggjandi aðgerðir, vöktun og eftirlit en einnig opin og fagleg samskipti við íbúa, leyfisveitendur og opinbera aðila.

Innan OR er mikla þekkingu að finna um hagnýtingu jarðvarma og aðra þætti í starfseminni. Við leggjum okkar að mörkum til að miðla þekkingu og hvetja til ábyrgrar umgengni við umhverfið.