Vinnustaðurinn

Í höfuðstöðvum Orkuveitu Reykjavíkur við Bæjarháls í Reykjavík, starfa um 600 starfsmenn við öflun og dreifingu orku, vatns og við að sinna alhliða þjónustu við viðskiptavini. Vel er búið að starfsfólki í opnu skrifstofu- rými, m.a. með fullkominni matstofu, bókasafni og annarri aðstöðu.

Í Skipuriti Orkuveitu Reykjavíkur er að finna margvíslegan fróðleik um lykilstjórnendur, skipulag fyrirtækisins og verkaskiptingu.

Öll starfsemi og starfshættir fyrirtækisins er skráð og skilgreind í Rekstrarhandbók og starfsmenn setja sér markmið sem skráð eru í Skorkort, kerfi markmiðastýringa,  sem við höfum kynnt fleiri fyrirtækjum og stofnunum hér á landi.  Fyrirtækið hefur sett fram skýra starfsmannastefnu og gildi og við það er starfandi jafnréttisnefnd.
Á hverju sumri ræður Orkuveita Reykjavíkur til sín um 150 nemendur úr framhaldsskólum og af háskólastigi. Nemendur af framhaldsskólastigi sinna margvíslegum viðhaldsverkefnum og umhverfisbótum, en háskólanemar eru ráðnir til þess að vinna að verkefnum sem tengjast sérhæfingu þeirra í námi. Á hverju ári komast miklu færri að en vilja.

Starfsfólk Orkuveitunnar er um 600 talsins og kemur alls staðar frá. Heldur hallar ennþá á konur hvað fjölda varðar og skýrist trúlega á fjölda starfa  sem byggja á verk, - iðn og tæknifræði, þar sem konur eru enn í minnihluta. Orkuveitan hefur lagt sitt á vogarskálar til þess að fjölga konum í iðn - og verkfræðinámi og veitir á hverju ári styrki til kvenna í iðn - og raungreinanámi. En eins og sjá má á þessari upptalningu er bakgrunnur starfsfólksins fjölbreyttur og reynslan mikil. Hér starfar  m.a. fólk sem hefur lokið námi í verkfræði -véla- rafmagns- byggingaverkfræði, viðskiptafræðingar,  hagfræðingar,  lögfræðingar og  bókasafns og upplýsingarfræðingar. Hér eru starfandi blaðamenn, náttúrufræðingar, jarðfræði, líffræði- og eldfjallafræðingar og a.m.k. tveir sálfræðingar. Hér er fólk með menntun í starfsmannastjórnun, öryggiseftirliti og svo auðvitað í tæknifræði, vélfræði og rekstrarfræði.
Rafvirkjar eru skiljanlega margir, einnig pípulagningamenn, málarar, trésmiðir og vélvirkjar. Hér eru matreiðslumeistarar, framreiðslufólk,  tækniteiknarar, rekstrarfræðingar o.fl o.fl...