Starfshættir
Orkuveita Reykjavíkur er tengiliður milli náttúruauðlinda og samfélags. Ábyrg stefna gagnvart umhverfinu og samfélaginu eru því grunnþættir í starfsemi fyrirtækisins.
Stefna þessi hefur eftirfarandi gildi Orkuveitu Reykjavíkur að leiðarljósi:
Orkuveita Reykjavíkur kemur fram af heilindum, sýnir trúverðugleika og ábyrgð í starfsemi sinni. Fyrirtækið umgengst náttúruna, vörur sínar og viðskiptavini af virðingu. Fyrirtækið áttar sig á mikilvægi stuðnings við samfélagið sem það starfar í og hefur það að markmiði að litið verði til Orkuveitunnar sem trausts samstarfsaðila, sem eftirsóknavert sé að starfa með, og fyrirtækis sem sýnir í verki stuðning við samfélagið.
Samfélagsleg ábyrgð Orkuveitu Reykjavíkur tekur til eftirfarandi þátta;
- gilda fyrirtækisins, stefnu þess og forystu,
- umhverfisins,
- framgangs þess á markaði,
- gæðum þess sem vinnustaðar,
- samskiptum við hagsmunaaðila,
- framlögum þess til samfélagsins.
Orkuveita Reykjavíkur leggur ríka áherslu á að stefna um samfélagslega ábyrgð sé höfð til hliðsjónar við rekstur fyrirtækisins og að allir starfsmenn séu meðvitaðir um í hverju hún felst. Þessu verður náð fram með;
- markvissri kynningu innan fyrirtækisins,
- innleiðingu mælikvarða og eftirfylgni í skorkorti fyrirtækisins,
- gerð og birtingu árlegrar skýrslu um samfélagslega þátttöku Orkuveitunnar,
- skipan stýrihóps sem umsjón hefur með framfylgd stefnunnar og þróun hennar.
Ábyrgð á stefnu Orkuveitu Reykjavíkur um samfélagslega ábyrgð hefur forstjóri. Hann hefur sér til fulltingis þverfaglegan stýrihóp sem hann skipar til tveggja ára í senn.
Starfsmenn Orkuveitunnar;
- þekki stefnu fyrirtækisins um samfélagslega ábyrgð svo þeir geti tekið ákvarðanir í sínu daglega starfi með hliðsjón af henni,
- geti leitað til stýrihóps OR um samfélagslega ábyrgð með ráðgjöf varðandi framfylgd stefnunnar.
