Hvar fást upplýsingar í bilanatilfellum ?
Orkuveita Reykjavíkur - Bæjarhálsi 1 - 110 Reykjavík
Netfang: or@or.is
Fax - 516 6709
Samband við allar deildir frá kl. 8:00 til kl.16:15 virka daga.
Þjónustuver - 516 6000
Almenn þjónusta, álestur. Innheimta, aðsetursskipti. Opið frá kl. 8:00 til 17:00 virka daga.
Bilanavakt - 516 6200
Opið allan sólarhringinn
Bilanir - hitaveita
Bilanir utanhúss verður að tilkynna tafarlaust til Orkuveitu Reykjavíkur. Hægt er að tilkynna til vaktstöðvar Orkuveitu Reykjavíkur í síma 516-6200. Þar er opið allan sólarhringinn alla daga ársins. Bilanir innanhúss eru nær alltaf á verksviði pípulagningarmeistara eða annarra fagmanna á sviði pípulagna.
Þjónustusvæði
Rafmagn - Reykjavík, Kópavogur, Garðabær (norðan lækjar), Seltjarnarnes, Mosfellsbær, Akranes
Heitt vatn - Reykjavík, Kópavogur, Garðabær, Hafnarfjörður, Álftanes, Akranes, Borgarnes, Kjalarnes, Mosfellsbær, Hveragerði, Þorlákshöfn, Ölfus, Hvolsvöllur.
Kalt vatn - Reykjavík, Akranes, Álftanes
Iðnaðarmenn
Ef þið eruð að leita eftir iðnaðarmönnum til að sinna eigin lögnum þá bendum við ykkur á að skoða heimasíður hjá Félagi pípulagnameistara og Félagi löggiltra rafverktaka, SART.
Póstsent afrit orkureikninga
Þeir sem greiða orkureikninga sína með boð-/eða beingreiðslum geta fengið alla reikninga póstsenda, ef þeir óska þess sérstaklega. Hægt er að óska eftir póstsendum reikningum með því að hringja í þjónustuverið.
Áður voru eingöngu uppgjörsreikningar póstsendir en nú er hægt að fá alla reikninga póstsenda.
Með allar upplýsingar er farið sem trúnaðarmál.
Boðgreiðslur
Netgreiðslur
Hvenær fæ ég reikning?
Orkuveita Reykjavíkur sendir út reikninga seinni part mánaðar og venjulega er eindagi 5. næsta mánaðar. Þess utan er sendur reikningur við flutning.
Hversu oft fæ ég reikning?
Orkuveita Reykjavíkur sendir orkureikninga mánaðarlega til sinna viðskiptavina.
Seðilgjald - hvernig get ég sparað mér það?
Seðilgjald kr. 211 er innheimt af hverjum sendum greiðsluseðli. Hægt er að lækka þjónustugjöld með því að greiða orkureikningana með beingreiðslum banka,boðgreiðslum kortafyrirtækja eða netgreiðslum í heimabanka.
Hvað er uppgjörsreikningur?
Uppgjörsreikningur er venjulega sendur einu sinni á ári. Hann er byggður á álestri og er um leið uppgjör á þeim áætlunarreikningum sem sendir hafa verið, uppgjörið miðast við að áðursendir áætlunarreikningar séu greiddir. Mismunurinn er reiknaður út og ef þú hefur notað meiri orku en áætlunin segir til um hækkar reikningurinn sem því nemur, hafir þú notað minni orku leggst mismunurinn á inneign og er greiddur úr á næsta reikningi eða reikningum.
Hvað er áætlunarreikningur?
Áætlunarreikningur er reikningur sem byggist á áætlun einni saman, þ.e. ekki er álestur að baki honum. Reynt er að láta áætlunina endurspegla sem best raunverulega notkun en stundum kemur upp misræmi. Þá verður uppgjörsreikningurinn annaðhvort þægilega lágur eða óþægilega hár. Hægt er að hafa samband við OR og fá áætlun breytt.
Hvað er inneign?
Inneign er upphæð sem verður til þegar uppgjör notkunar er lægra en áætlunin segir til um, þ.e. þú hefur notað minni orku en OR gerði ráð fyrir. Hægt er að fá inneignina greidda út en venjulega er hún látin ganga sjálfkrafa uppí næsta reikning og hann lækkaður þannig. Við flutning þarf að óska eftir að inneignin sé færð eða hún greidd út.
Af hverju er reikningurinn hærri núna en síðast?
Ef um uppgjörsreikning er að ræða getur hann verið hærri en áætlunarreikningarnir á undan af eðlilegum orsökum, skýringin gæti einfaldlega verið að nýtt orkufrekt heimilistæki hafi verið tekið í notkun á heimilinu. Mögulega getur einnig verið um rangan álestur eða ranga áætlun að ræða. Bilun gæti hafa komið upp sem olli sírennsli vatns gegnum húskerfið, þ.e. vatn bunaði stjórnlaust í gegn. Ofn gæti hafa bilað, gat komið á lagnir eða stjórnlokar hætt að virka. Hægt er að snúa sér til Orkuveitunnar með vandamál af þessu tagi og hvert mál verður skoðað fyrir sig. Allar frekari upplýsingar um reikninga verða fúslega veittar.
Hvað eru netgreiðslur?
Reikningar eru sendir rafrænt í heimabankann, enginn gluggapóstur og lægri þjónustugjöld.
Hvað eru boðgreiðslur?
Reikningar eru skuldfærðir mánaðarlega af Visa eða MasterCard kreditkorti.
Hvað eru raðgreiðslur?
Þegar eldri skuld er sett á raðgreiðsluskuldabréf Visa eða MasterCard (ásamt öðrum reikningum frá Orkuveitunni)
Hvað eru beingreiðslur?
Reikningar eru skuldfærðir mánaðarlega af bankareikningi. Venjulega sér viðskiptabanki þinn um þetta fyrir þig.
Reikningur hefur ekki borist
Hefur verið breytt um heimilisfang nýlega? Var það tilkynnt? Einnig getur reikningurinn verið seinna á ferðinni en venjulega af eðlilegum orsökum. Vinsamlega hafið samband við Orkuveitu Reykjavíkur í síma 516-6000 eða sendið tölvupóst til að fá úr því skorið hvort reikningur hafi verið sendur.
Sami reikningur oftar en einu sinni
Vinsamlega hafið samband við Orkuveitu Reykjavíkur í síma 516-6000 og reynt verður leysa úr málinu.
Hvernig breyti ég greiðslumáta?
Viðskiptavinir geta haft samband við starfsfólk þjónustuvers í síma 516-6000 og óskað eftir boðgreiðsluviðskiptum, smellt hér, eða sent tölvupóst á netfangið thjonusta@or.is Þær upplýsingar sem þurfa að koma fram eru:
Nafn
Kennitala
Heimilisfang
Símanúmer
Kortanúmer
Gildistími
Vegna beingreiðslna þurfa viðskiptavinir að hafa samband við sinn viðskiptabanka sem síðan sendir Orkuveitunni upplýsingar um beingreiðsluviðskiptin.
Séu ofangreindir greiðslumátar valdir eru greidd lægri þjónustugjöld en þegar greiðsluseðill er valinn. Almennt eru engir reikningar sendir í pósti til viðskiptavina, aðeins uppgjörsyfirlit einu sinni á ári. Sé þess óskað skriflega, geta viðskiptavinir fengið alla reikninga póstsenda.
Leiðbeiningar vegna greiðslu á eldri skuld/reikningum
Eldri skuld má greiða inn á reikning 0101-26-2563, kt: 551298-3029.
Ef gerð er millifærsla í heimabanka, þarf alltaf að skrá í skýringu kennitölu skuldara og skýringu á skuld, t.d. "innborgun á apríl '11 og senda staðfestingu/greiðslukvittun á netfangið thjonusta@or.is
Geta notendur lesið sjálfir á mæla Orkuveitunnar ?
Flutningar og álestur
Venjulega er bara lesið af við uppgjör einu sinni á ári. Einnig er lesið af mæli við flutning og vegna mælaskipta. Við flutninga þarf einnig að tilkynna notendaskipti, hver er að flytja út og hver að flytja inn. (Nafn á reikningum). Við bendum viðskiptavinum á að lesa af sjálfir, og senda okkur álestur. Einnig er hægt er að fá starfsmenn Orkuveitunnar til að sjá um álestur gegn gjaldi.
Notendaskipti
Ef breytingar verða á heimilishögum, til dæmis við flutninga, þarf að skrá nýjan notanda að hita og rafmagni og senda Orkuveitunni. Athugið að skrá flutningstilkynningu fyrir alla mæla sem um er að ræða.
Smellið hér til að fylla út rafrænt eyðublað og tilkynna um nýjan orkukaupanda.
Hvernig virkar samkeppni í raforkusölu ?
Raforkusala er frjáls sem þýðir að notendur geta keypt rafmagn hjá hvaða söluaðila sem er óháð búsetu. Þannig gæti t.d. notandi á Egilsstöðum keypt rafmagn af OR þrátt fyrir að Orkuveitan sinni ekki raforkudreifingu á svæðinu. Þá myndi notandanum berast tveir reikningar, annar frá Rarik fyrir flutning og dreifingu og hinn frá Orkuveitunni fyrir raforkuna sjálfa. Á vef Orkustofnunnar má gera samanburð á verði mismunandi raforkusala.
Hvenær er lesið af?
Venjulega er bara lesið af við uppgjör einu sinni á ári og það misjafnt hvenær á árinu það er, þar sem Orkuveitusvæðinu er skipt upp í ákveðin álestrarsvæði. Einnig er lesið af mæli við flutning og vegna mælaskipta.
Hvað þarf að gera vegna álestra?
Tryggja þarf að álesarinn komist inn til að lesa af mælinum. Venjulega eru þeir á ferðinni á daginn og stundum er erfitt fyrir þá að komast inn í hús til að lesa af. Þegar inn er komið verður álesarinn að geta komist að mælinum og ekki má byrgja fyrir mælisskífuna.
Hver er ábyrgur fyrir að tilkynna flutning?
Húseigandi (sá sem er skráður fyrir mælinum) er ábyrgur.
Hvaða upplýsingar á að gefa við flutning?
Fyrst og fremst kennitölu þess sem er að flytja út og kennitölu þess sem er að flytja inn. Þetta verður að vera kennitölur þeirra sem eru skráðir fyrir mælum. Ef þú hefur álesturinn tiltækan sparar það heilmikinn tíma og fyrirhöfn. Einnig er gott að hafa hið nýja heimilisfang þess sem er að flytja út við höndina svo að flutningsreikningurinn skili sér á réttan stað.
Hvert tilkynni ég flutning?
Hvernig get ég losnað undan seðilgjaldinu?
Allir greiðslumátar bera þjónustugjöld. Seðilgjald er vegna greiðsluseðla og er 211 kr. en tilkynningar- og greiðslugjald er vegna rafrænnar birtingar reikninga og er 87 kr. Til að greiða lægra þjónustugjald getur þú skráð þig í boðgreiðslu, netgreiðslu eða beingreiðslu. Með boðgreiðslu kemur orkureikningurinn þinn á kreditkortið þitt, með netgreiðslu færðu orkureikninginn þinn einungis rafrænt, beint í heimabankann þinn. Ef þú kýst beingreiðslu þá getur þú haft samband við viðskiptabanka þinn og beðið hann um að skuldfæra orkureikninginn beint af tékkareikningi þínum.
Reikningarnir eru þá aðeins aðgengilegir rafrænt og getur þú nálgast þá bæði í heimabankanum og á Orkunni minni
